我っ達 車や 前々ら うかはたんよー。
10～20km/h あてー ち とぅーらしぇー、グイン、グインみかち をぅーぎやーい、まーるけーとぅや エンストすーぬばーん あーいたんばーてー。
車 無んきねー 不便えーとぅ、ちゃー うぬまーまに ひちゃくてーしが、此間 用事しーが 勝連んがてぃ 行ちゃぬばす、とぅじから 「ふねー すん」り 言らったとぅ、修理工んがてぃ 見しとぅたんよー。
今日、修理工ら 電話連絡あてぃ、『エアフロメーター』りぬ 部品ぬ うかはたんでぃ。うり 新物んがてぃ 換えたとぅ、直たんでぃぬ 話えてーさ。
直たしや いっぺー上等る えしが、代ぬ 2万余いんでぃち。
銭や出ーしが、とぅじが ふねー さん如 ないんる やれー 済むさやー。
自分たちの車は前からおかしかった。
10〜20km/hくらいで走らせるとグイン、グインと揺れて、たまにエンストすることもあった。
車がないと不便なので、ずっとそのままにしていたけど、先日勝連に用事をしに行ったとき、妻から「車酔いする」と言われたので、修理工に見せていた。
今日、修理工から電話で連絡があって、『エアフロメーター』という部品がおかしかったらしい。それを新品に換えると直ったとのこと。
直ったのはとても良いことだけど、代金が2万余りかかるらしい。
出費にはなったけど、妻が車酔いしないなら良いよね。
コメント