「ラジオ体操第一 大兼久方言バージョン」の制作者の方とお会いしてきました

御衆様ぐすーよーや、「ラジオ体操第一 大兼久方言バージョン」や 知っちゅいんそーいがやーをー？
名護なぐ、また うぬ他ぷかーぬ山原やんばるぬしまじまんてぃ聴かりーぬFMやんばるんてぃ、毎日めーなちひてぃみてぃぬ8:00に流さっとぅぬ、ラジオ体操る ゑーさをー。

「はいさい、御衆様ぐすーよー 今日くー 拝うがまーびら。しまぐちラジオ体操 始ぱじみやびら。勢いきうい出いじゃーち、頑張いんそーりよー。」
「ぴさー 横ゆくんがてぃ 出いじゃち、胸にーぬ運動、横振ゆくぷい」
「傾はたんぎてぃ 下しちゃんがてぃ 深ぷかく曲ぎてぃ 真前まーめんてぃ 胸張にーぱてぃ」
「うりち 終うわいやびたん、如何ちゃーえーたがほー？今日くーん一日ぴっちゅい 気張きばいんそーりよー。またやーほー！」

うぬぷーじーち、名護なぐぬ大兼久（ぽーぬく/ぽんがにく。今なんまぬ大東・大中・大南・大西・大北まんぐらー）ぬ言葉ふとぅーばち歌ぬ入いらっとぅぬラジオ体操ゑーさをー。

細くめーきてぃや 書はき様よーぬ 違ーとぅぬめーや 有いるすしが、大概てーげーや 我わにが 平生ふぃーじーから 使しかーとぅぬ言葉ふとぅーばとぅ 似ちゅんあらんがやーをー。

我わにや わらーい 保育園ぬんがてぃ そーてぃ行くぬ時分に 毎日めーなち うり聴ちゅてーとぅ、前々めーめーら「誰たるが 作すこーいんそーちゃんばーがやー、行逢いきゃーいぶはーっさー。」んでぃ 思うみーとぅたしが、此ぬ間ふねーだ、やっとぅ、行逢いいきゃーぬ事くとぅぬ成たんよーをー。

「日本語で読む」に移動

制作者・比嘉康雄さん、仲井間政光さんの話

いちゃんだユーザーや むるがむるや 見みららん如ぐとぅなとぅしが、「ラジオ体操第一 大兼久方言バージョン」や、10年あてー前めーに 沖縄タイムスが記事書ちぇーんどーをー。

歌詞 大兼久言葉んがてぃ直のーちぇーしや 仲井間政光なかいませいこうさん、うり 曲 なちぇーしや 比嘉康雄ひがやすおさんる ゑんそーいんでぃぬ話ぱなーしゑーとぅ、うぬ人ちゅんきゃーとぅ 行逢いきゃーてぃ 御挨拶ぐえーさちひち っちゃんよーをー。

仲井間さんぬん、比嘉さんぬん、沖縄口うきなーぐち うみしき 大切てーしちに思うみとぅいんそーいんでぃぬ事くとぅゑーたさをー。

仲井間さんや、「沖縄口うきなーぐち わかーらん人ちゅんきゃーがん 沖縄口うきなーぐちに触ぷりーぬ機会 多ぽーくすーしがまし」んでぃーぬ 我わにが考かんげえとぅ、うっぺー 似ちゅぬアイデア 言いんそーちゅたん！

• スーパんてぃや、商品ぬ札ぷだーや、上いーに沖縄口うきなーぐちんてぃぬ名なー、下しちゃに大和口やまーとぅぐちんてぃぬ名なー 書はきーねや、わらーい達たが沖縄口うきなーぐち 覚うびい易やっさとぅ、上等
• 新聞記事ん、むる沖縄口うきなーぐちち 書はちぇーぬ記事ぬあいねや、上等

また、仲井間さんぬん、比嘉さんぬん、昔むかーしぬぴとぅ取とぅい（いるか漁）ぬ話ぱなーし、多ぽーく ひちゅいんそーちゃん。

• 道具ん持むたん如ぐとぅ 海んがてぃ入いっち、どぅーぬ手てぃーち ぴとぅ はちみてぃ 浜ぱまーまでぃ戻むどぅーたぬ人ちゅーぬ話ぱなーし
• ぴとぅぬ寄ゆいぬ しち ないねや、松まーち 倒とーち、海んがてぃ立てぃてぃ、「うりから中なはんがてぃ ぴとぅぬ入いりねや、銛むい 立てぃてぃん済しむん」んでぃーぬ目印なちゃんでぃぬ話ぱなーし
• ぴとぅぬ っちゃんでぃーし 畑ぱろーに居をぅいぬ夫をぅとぅに伝ちてーいんでぃち 喜知留きちる（今なんまぬ大北まんぐらー）までぃ 歩あっちゃぬ、はさーぎとぅぬ女いなーぐん人ちゅぬ話ぱなーし
• ぴとぅぬ寄ゆいねや、町長が旗ぱたー 振ぷっちゃんでぃーぬ話ぱなーし

今なんまや なー 見みららーぬ風景るゑーしが、うん如ぐとぅぬ 話ぱなーし 聞きち、残ぬこーち行きねや、昔むかーしぬ名護なぐん人ちゅが如何きゃん如ぐとぅなーぬ暮らーし ひちゅたが、んでぃーしん 残ぬこーち行かりーさやーんでぃ 思うみーとぅさをー。

「日本語で読む」に移動

「ラジオ体操第一 大兼久方言バージョン」のCD販売

FMやんばるんがてぃ 問とぅーいねや、「ラジオ体操第一 大兼久方言バージョン」ぬ音源 売ったくんでぃ 言ちゅーいんそーちゃん。興味すーみあいぬ人ちゅんきゃーや、下しちゃぬ連絡先んがてぃ 連絡しち みっちんそーるわ。

※2025/2/4んてぃぬ情報ゑーとぅ、変わーとぅがすーらわかーらんとぅ、まじぇー 連絡しち みっちんそーるわ。

むるち 言葉ふとぅーば 残ぬこーち いかなやーをー。

「日本語で読む」に移動