2024年11月 名護言葉講座を開催しました

11/2(土)に、名護言葉講座 開催ひち っちゃんどーをー。

10月ぬ会ん しんかんきゃー まんどぅたしが、11月や また しんかぬ 三人みっちゃい 多ぽーくなてぃ、また、ちゃっちゃー・あんまーとぅ まじゅん 参加ひち とぅらーちゃぬ しんかん もーちゃんどーをー。

参加人数	15人（先生含む）
内容	・うきなー口ぬ動詞ぬティ形とぅ、うりに似ちゅぬ形式 ・みーとぅんば むぬがてー

今なまら 書はくしや、今日くうぬハイスさんが講座ぬ内容ぬ概要ゑんどーをー。
我わにが 間違てぃ 覚うびてーしぬ あいがすーら わからんしが、てーげーや 当たとぅらぱじ。

うきなー口ぬ動詞ぬティ形とぅ、うりに似ちゅぬ形式

今日くうぬ講座ぬ内容や うっぺー難むちかはぬ、動詞 如何けっちし 活用すーが？んでぃぬ話ぱなーしゑーたん。

名称	単語例	文例
原形	ういん（売る）	ししうやーや しし ういん（肉屋は肉を売る）
ティ形	うてぃ （売って）	ししうやーや しし うてぃ、きゃくや しし ほーいん （肉屋は肉を売って、客は肉を買う）
過去形	うたん （売った）	わにや きんぬー なーふぁんちゅーに しし うたん （私は昨日那覇の人に肉を売った）
継続形	うとぅん （売っている）	ししうやーや なま まちぐゎんてぃ しし うとぅん （肉屋は今市場で肉を売っている）
結果形	うてん （売ってアル）	ししうやーや きむぐゎー むる うてーとぅ、なんまや ねんよー （肉屋は肝を全部売ってアルから、今はないよ）
反復・習慣形	うたくん （売ってアルク）	うぬ ししうやーや ちかぐる なーふぁぬ まちぐゎんてぃん しし うたくんでぃ。（その肉屋は最近那覇の市場でも肉を売ってアルクそうだ）

上いーや「売いん」ぬばーぬ話ぱなーしゑしが、うぬ他ぷかーぬ動詞（起うきん、煮ん、ゐん でえ）ぬ活用ん紹介さっとぅたんどーをー。

みーとぅんば むぬがてー

『みーとぅんば むぬがてー』や、なまさき 覚てーぬ 動詞ぬ 活用、むぬがてー 読ゆみがちなー 理解 深みーぬ為たみぬ内容ゑんどーをー。（みーとぅんば＝夫婦　むぬがてー＝物語）

むぬがてーぬ中なはに 出いじてぃ っちゃーぬ 動詞とぅ うぬ活用ぬ例や 下しちゃぬ如ぐとぅしゑんどーをー。

• あかーがいん（明るくなる）→あかーがてぃ（明るくなって）
• すん（する）→しち/ひち（して）※不規則動詞
• いじん（出る）→いじたん（出た）
• にん（煮る）→にちねーん（煮ていない）

「に」「んがてぃ」ぬ さし分き

『みーとぅんば むぬがてー』や、むぬがてーる ゑとぅ、動詞ぬ他ぷかーにん 今日くう 知ってーしん あーいたっさーをー。

「に」「んがてぃ」や、じる ん 大和口やまーとぅぐちちや「に」、首里すい 那覇なっぱぬ言葉ちや「んかい」る ゑしが、名護言葉なぐくとぅばんてぃや さし分きぬ あいんでぃぬ話ぱなーしゑーたんどーをー。

在処ゑーぬ ばー：「に」

在処 表すぬ ばー（動詞ち 言いねー 「有いん」「居をぅいん」ゑーぬ ばー）や、「に」使しかいんでぃぬ 話ぱなーしゑーたんどーをー。

• 例
  • だーにが 居をぅいる？（どこにいるの？）
  • 携帯電話や テーブルぬ上いーに 有いん。（携帯電話はテーブルの上にある。）

向きぬ あいぬ ばー：「んがてぃ」

向きぬ あいぬ ばー（動詞ち 言いねー 「歩くん」「入りん」「行くん」「帰けーいん」でえ）や、「んがてぃ」使しかいんでぃぬ 話ぱなーしゑーたんどーをー。

• 例
  • 名護なぐから 那覇なっぱんがてぃ 歩くん。（名護から那覇に歩く。）
  • 袋ぷくるんがてぃ 入りん。（袋に入れる。）

人ちゅーぬ 相手えーてぃゑーぬ ばーや 「に」「んがてぃ」じる 使しからりーんでぃぬ 話ぱなーしゑてーさ をー。

終わたぬ 後や「とぅんがー」んてぃ ゆんたく会

講座 終うわたぬ 後あとぅや、宇茂佐うんさに あいぬ「とぅんがー」さんぬんてぃ ゆんたく会ん しちゃんどーをー。
「とぅんがー」や、沖縄口うきなーぐちち 「台所」ぬ意味るゑんどーをー。

とぅんがー (Instagram)

むる ち まーはぬ ピザ かーいがちなー ありふり 沖縄口うきなーぐちにちーてぃ ゆんたく しち、でーじな うそーはぬ時間る ゑーたんどーをー。

次ぇー 12/7(土) 予定 ひちゅしが、今日くうぬ如ぐとぅ、ゐー会 ないぬ如ぐとぅ 願にがとぅさをー。