今年の抱負@2025年 巳年

良ゐい正月そーぐゎち 迎んけえんそーちゃんなーをー。今度ふんどぅる 良ゐい年に ひち いかやーをー。

平生ふぃーじーや、正月そーぐゎちんでぃ 言ちん あんすかー 「とーひゃー 今度ふんどぅん きわーらなやー！」んでぃちや ひやみかさんる ゑーしが、今度ふんどぅや てぃーち・たーち 抱負 書はち まーやーをー。

2025年 巳年の抱負

沖縄口ぬ活動ち 知っちゃぬ人んきゃーとぅぬ 人びれーに 性 入ん

みじらはしが、去年ふじゅ、また うぬ前めーら あったに 沖縄口うきなーぐちにかむーとぅぬ人ちゅんきゃーとぅ 人ちゅーびれーぬ 多ぽーくなてぃ っちゅんねー ふんよーをー。

やっぱい、どぅーちゅいち すーしかん、いくたいがらち まんな すーしがる うそーはとぅ、今度ふんどぅん 沖縄口うきなーぐち、また 他ぷかーぬ 琉球語ぬ しんかんきゃーとぅ けっさん ひれーてぃいき欲ぶはんでぃ 思うみーとぅさをー。

沖縄口 使てぃ 形 有いし 残ーし欲はん

なんままでぃ 色数いるはじな インプット・アウトプット ひちっちぇーしが、今度ふんどぅや なんままでぃ 習ならーてぃ っちぇーぬ 内容、何ぬんがらぬ形かたーち なち、残ぬくーし欲はん。

なー 手掛てぃがきてーしん 有いとぅ、目途 立てぃーねや、御衆様ぐすーよーんがてぃ 知らーすさやーをー。

御衆様ぐすーよんがてぃぬ 年頭にんとーぬ 挨拶えーさちんでぃーしかん、どぅーなーぬ 心くくる 確かみーし ぷーじーに へー なてーしが、ふねーてぃ とぅらーしんそーるわ。

あんせー、またやーをー！