2024/8/11(日) 旧七月八日 ひのと ひつじ 七夕（の翌日）

七夕（旧七月七日）や 8/10(土)る いぇてーしが、やーにんじゅが 用事ゆーじぬ あいてーとぅ、翌日なーちゃぬ 8/11(日) に墓ぱかー 掃除 しち っちゃん。

筋方しじかたーぬ墓や 当たい前めーる ぇしが、外戚方ぐゎいしきかたーぬ墓ぱかーぬ加勢かしーん しち、また、預あじかかとぅぬ トートーメーん あいとぅ、三みーちぬ墓ぬ 七夕 墓掃除んがてぃ 行じ っちゃん。

始ぱじまいぬ 前めんがてぃ しわ しちゃくたし ぇー 太陽てぃだ負まきる ぇてーしが、うりや 昼前ぴるめーまでぃ、昼後ぴるーあとぅからや 大雨ぽーあみ 降ぷてぃ、うーばたない でぃーたる。

一業ちゅわじゃる ぇーたしが、平生ふぃーじーや 仕事ち ならんばーん あいとぅ、どぅーぬ 家やーぬ事 なたし ぇー 何ぬんがら 肝きむぬ ふぐる 如ぐとぅる あいる。