2025年7月 名護言葉講座を開催しました

2025/7/26(土)、屋部地区センターんてぃ名護言葉講座ひち っちゃんどーをー。

今回ん 多ぽーくぬ しんかが もーち とぅらーしんそーちゃとぅ、 うみしき はねーきてぃ、大事でーじな 良いゐー 会なたんどーをー。

下しちゃに書はくしや、今回ぬ ハイスさんぬ 講義 聞ち、我わー 理解 アウトプットひちぇーし ゑーとぅ、間違えとぅぬ めーぬ あいがすーら わかーらんしが、わかてぃ とぅらーしんそーるわ。

生まーり島や だー ゑんそーいが？/今 だんてぃ 暮らちゅいんそーいが？/仕事や 何 しちゅいんそーいが？

「生んまーり島じまや だー ゑんそーいが？/今なんま だんてぃ 暮らちゅいんそーいが？/仕事しぐとぅや 何ぬー しちゅいんそーいが？」や、うぬまーまる ゑーしが、初ぱじーみてぃ 行逢いきゃーたぬ人ちゅーとぅ 話ぱなーしすーぬ とぅきぬ 言い様よーゑーさをー。

• 挨拶えーさちすん
  • A：初ぱじーみてぃやーをー。我わにや、◯◯ゑーびん。見みー 知しっっちゅてぃ とぅらーしんそーれー。
  • B：（Aとぅ同ゐぬ如ぐとぅ）
• 相手えーてぃぬ事くとぅ 聞ち むん
  • A：生んまーり島じまや だー ゑんそーいが？
  • B：我わにや ◯◯ぬ 生んまーり ゑーびん。　例）我わにや 名護なぐぬ 大兼久ぽーぬくぬ 生んまーり ゑーびん。
  • A：今なんま だんてぃ 暮らちゅいんそーいが？
  • B：今なんま ◯◯んてぃ 暮らちゅん。　例）今なんま 羽地ぱにーじんてぃ 暮らちゅん。
  • A：仕事しぐとぅや 何ぬー しちゅいんそーいが？
  • B：仕事しぐとぅや ◯◯んてぃ ◯◯しちゅん。　例）仕事しぐとぅや 名護市役所んてぃ 官勤くゎんぢとぅみ しちゅん。

今日くーぬ講座や 初ぱじーみてぃ もーちゃぬ人ぬ 多ぽーはたとぅ、互いたげーに 上いーぬ如ぐとぅ 問とぅーたい 答いれーたい すーしから 初ぱじーみてーぬばー ゑーしがてー、うむっさしやよーをー、もーちゃぬ人ちゅん達きゃーや むる、誰たるがん 誰たるがらぬ 知っちょーるー る ゑーたんばーよー をー。

世間しきんや狭いばはぬ、大事でーじやーをー。笑

疑問文んてぃぬ「る」ぬ使い様

「疑問文んてぃぬ『る』ぬ使しかい様よー」や、うっぺー 難むちかはぬ内容ゑーたんよーをー。

沖縄口うきなーぐちぬ「る」や意味 強ちゅーみーぬとぅきに使しかいしる ゑーしが、疑問文ぬ中なはち 使しかいねー、「る」ぬ 有いぬめーがる 殊ふとぅに 問とぅーい欲ぶはぬ事くとぅないんでぃーぬ事くとぅゑーさをー。

• バスぬ だんがてぃ 行くが、尋たじにーぬとぅき
  • A：あぬ バスや 那覇なーふぁんがてぃる 行くんなーをー？
  • B：あぬ バスや、那覇なーふぁんがてぃや 行かん、屋慶名やきなんがてぃる 行くんどーをー。
• だーがらんがてぃ 行くぬ ぱっぱーとぅぬ 話ぱなーし
  • A：なーや だんがてぃ もーいが？まちぐゎんがてぃる もーいんなー？
  • B：まちぐゎんがてぃや 行かん、畑ぱるんがてぃる 行くる。
  • A：うぬ道具や 何ぬーゑーがをー？鎌はまーる ゑんなーをー？
  • B：鎌はまーや あらん、とぅんぐぇーる ゑーる。

バスぬ話ぱなーしゑーねー、「る」有いしとぅ 無ねんしぬ 違い や、「る」有いしや、「（他でもなく）那覇に行くのですか」ぷーじーぬ ニュアンスに ないんよーをー。

「る」とぅ、「るん」

講座んてぃ 習てーし あらんしが、うぬ記事 書はちがちー 思出うびーじゃーしてーしぬ 有いとぅ、メモひちゅかやーをー。

我わにや、「る」や、意味 強ちゅーみーしとぅや うっぺー 違ーいぬ 使しかい様よーぬ 有いんでぃ 思うみーとぅたんよーをー。

何ぬんでぃちが、んでぃ 言いねー、どぅーぬすばぴらんてぃ「腹わたる 病やむんなー？（お腹でも痛いの？）」んでぃーぬ 言い様よー 聞ちゃぬ事くとぅ 有いとぅる ゑーさをー。うりや、「腹わた」んでぃーし 意味 強ちゅーみてぃ 言ちゅぬばー ゑらんさに、んでぃ 思とぅたん。

ゑーしが、大琉球語辞典 引きーねや、うりや「る」あらんふい、他ぷかーぬしまんてぃ「どぅん」「るん」「んでー」んでぃ言らっとぅーしとぅ 同ゐぬ物むんゑんてー、んでぃ 思うみーぬ如ぐとぅ なたん。

今なんま 考えかんげーねー、「腹わたる 病やむんなー？」あらんふい、「腹わたるん 病やむんなー？」ゑーたがすーら わかーらんさーをー。

しまじまんてぃぬ 言葉ぬ違い

名護言葉なぐくとぅばや、多ぽーくぬ人が考かんげーいぬ 沖縄口うきなーぐちとぅ、違ーとぅぬめーぬ まんどぅしが、今回ぬ講座んてぃん ありふり 違いぬ話ぱなーしぬ 出いじてぃ っちーからに、はねーきたんどーをー。

沖縄口 （名護）	沖縄口 （他ぬ多くぬしま）	大和口	うぬ他ぬ話
だー	まー	どこ
もーいん	めんせーん	いらっしゃる	「もーれー」んでぃ言らってぃん、 もーやーや さんてぃん 済むん。笑
ぱるー	はる	畑	「は行」ぬ入っちゅぬ 他ぬ言葉ん同ぬ如、 「ぱ行」ないしが多はん。
はまー	いらな	鎌	「か行」ぬ入っちゅぬ 他ぬ言葉ん同ぬ如、 「は行」ないしが多はん。
めー、ふさー、ぴじゃい、にぎり、うぃー、ひちゃ	めー、くさー、ふぃじぇー、みじり、いー、しちゃ	前、後ろ、左、右、上、下

沖縄口うきなーぐちや あまーふまんてぃ 違ちがーとぅとぅる、趣すーぬ あいる＝多様性ぬる魅力、んでぃーしが 我わー 考えかんげーゑん。

どぅーなー達たーぬ言葉くとぅばとぅ 違ちがーてぃん、「汝いゃーが あびとー如ぐとーしぇー 沖縄口うちなーぐちあらん」んでぃや 言ゃん如ぐとぅ、「汝いっ達たーみーや あん 言んなー、我わっ達たーみーや うん如ぐとぅ 言んどー、あまーふま違ちがーてぃ うむっさぬやー」んでぃ 言らりーねー 上等ゑーさやーをー。

名護言葉なぐくとぅばに 慣りてぃ 居をぅらん人ちゅん 多ぽーはたとぅ、難むちかはんねーすたしが、むる、終うわてぃ あとぅーら「勉強ないびたん」んでぃ 言ち とぅらーしんそーちゃん。

次回や 8/9(土) ゑーさ、次ちぎん むるち 良いゐー会 なさやーをー。